- Expresa diferentes valores: 1. Lugar. Exem.Vivo en Lugo. Meteunos no caixón. Foi caer nun focho. Vai na vila. 2. Tempo. Exem. Caso en agosto. Chegou en dúas horas. 3. Modo, materia, medio, instrumento, prezo: Está feito en escaiola. Veu en autobús. Deixouno en mil pesetas. Quedou en branco. 4. Algunhas veces equivale a por: Coñecino no andar (coñeciño polo andar). 5. Con certos verbos, en estruturas transitivas, indica o proceso do verbo considerado na súa duración ou desenvolvemento, por oposición a un proceso rematado: Ía polas rúas expoñendo nas súas teorías. Andaba buscando na roupa. 6. Ante xerundio, indica acción acabada: En facendo o labor deitareime un anaco.
7. Seguido da preposición por e un pronome tónico, indica que o suxeito ten ou fai algo por si mesmo: Levaba tódalas terras en por el.
OBS. A preposición en contrae coas seguintes clases de palabras, dando as formas que se expresan: a) Co artigo determinado (o, a, os, as): no, na, nos, nas.
b) Co artigo indeterminado (un, unha, uns, unhas): nun, nunha, nuns, nunhas. c) Coas formas tónicas do pronome persoal de terceira persoa (el, ela, eles, elas): nel, nela, neles, nelas. d) Cos demostrativos (este, ese, aquel, estoutro, esoutro, aqueloutro...): neste, nese, naquel, nestoutro, nesoutro, naqueloutro... e) Cos indefinidos algún e outro: nalgún, noutro...
f) co verbo ir, indica que o suxeito se atopa nese intre nalgún lugar concreto: Vai en Ourense. Felisa vai na feira. Non indica, como erroneamente se poidera pesar, que vai de camiño a algures, senón que o suxeito xa está nese lugar.

Translated by: FELISA EXPÓSITO MARZABAL

• Etymology: do latín