- Eliminar, spesso ma no sempre roba scrita o disegnada. Ghe saria però anche l'espression "scancelar dela facia dela tera" a rapresentar un'eliminazion un fià più tridimensional, estesa e definitiva. Vox populi: "Co' ghe go domandà indrio i mii bori el me ga risposto a muso duro che coss' che me insogno, che no ghe go mai imprestà un zentesimo. Cussì lo go dovù scancelar dela lista dei mii amici, dei mii conossenti, de quei che saludo co' li incontro e de quei che son disposto a tirarghe una zima se i sta per negarse. Che'l vadi in stramonaza lu con tuti i mii bori!"

Translated by: ALOIS ANSLOVAR