- A Cotovía cristada ou da Monteira, é unha ave do xénero Galerida, familia dos aláudidos, orde paseriformes, de 17,5 cm de lonxitude e 34 cm de envergadura. É unha ave non migratoria que se distribúe por Europa e o norte de África.
Non presenta dimorfismo sexual. A plumaxe é leonada na parte superior e abrancuxada na inferior. Ten unha crista na caluga longa e pontuda, que recorda a únha monteira -de aí o nome- que alza ou baixa cando esta en repouso. O peteiro é máis longo có da laverca e está lixeiramente curvado para embaixo. Aliméntase de sementes, e, durante a primavera e o verán de insectos que captura na terra. Emite un canto breve e monótono.
Habita en terreos abertos desérticos ou pouco cultivados e terreos areosos. É máis numerosa ata os 500 metros e máis rara por riba dos 1.200 metros. Trátase dunha especie común e en regresión.
A principios de abril pon entre 3 e 6 ovos moi lixados de escuro que eclosionan tras 13 días. As crías abandonan o niño cando transcorreron 10 días e voan ós 20 días. Esta ave efectúa dúas postas anuais.
En España existen dúas especies: a cotovía cristada (Galerida cristata) e a cotovía montesa(Galerida theklae).

Translated by: ANTÓN MÉNDEZ GÁNDARA

• Synonym: cotovía da monteira
• Plural: cotovías cristadas